Putin shpall “mobilizim të pjesshëm” për të mbrojtur atdheun

09:00 | 21 Shtator 2022
E.H

Presidenti rus, Vladimir Putin, ka shpallur “mobilizim të pjesshëm” në Rusi, për siç ka thënë, ta mbrojë atdheun, sovranitetin, integritetin e tyre territorial dhe sigurinë e popullit rus.

Putin është shprehur se “mobilizimi” ka të bëjë vetëm me qytetarët që kanë shërbyer në ushtri, apo rezervat ushtarake, teksa pati edhe një paralajmërim për Perëndimin, shkruan BBC transmeton arbresh.info.

“Nëse integriteti territorial i vendit tonë kërcënohet, për të mbrojtur Rusinë dhe popullin tonë, ne do të përdorim të gjitha mjetet që kemi. Ky nuk është një bllof”.

“Integriteti territorial i atdheut tonë, pavarësia dhe liria jonë do të sigurohet, e përsëris me të gjitha mjetet që kemi”, është shprehur Putin.

Më tej, ai tha se ata që përpiqen që ta shantazhojnë Rusinë me armë bërthamore “duhet të dinë se ato mund të kthehen në drejtimin e tyre”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm